Fylkesmannen har eit stort ansvar ved kriser og katastrofar i fredstid.

 

Meteorologisk institutt har ein eigen beredskapsplan for varsel om ekstreme verforhold. Fylkesmannen skal vurdere om det skal varslast vidare til andre regionale etatar og til kommunane, og om det skal iverksetjast tiltak for å sikre liv og verdiar og avgrense skadeomfanget. Ved ekstremt ver vil Fylkesmannen bli varsla direkte av Meteorologisk institutt og av den lokale redningssentralen.

 

Norges vassdrags- og energidirektorat (NVE) har utarbeidd retningsliner for flaumvarsling. Fylkesmannen vert varsla direkte av NVE, og det er Fylkesmannen som vurderer om det er behov for å vidaresende flaumvarselet til ein eller flere kommunar. Fylkesmannen og dei involverte kommunane vurderer om eit flaumvarsel vil innebere skadeflaum, og om det er naudsynt å iverksetje tiltak. Det er eit lokalt ansvar å organisere denne beredskapen.