Målsetjinga med fiskereglane er å sikre dei einskilde lakse- og sjøaure-bestandane i eit langt tidsperspektiv. Samstundes skal laksen sine leveområde forvaltast slik at naturen sitt mangfald og produktivitet vert bevart. I samsvar med internasjonal praksis skal ei føre-var tilnærming leggjast til grunn for lakseforvaltninga.

 

Innanfor desse rammene legg dei nye fiskereglane i Rogaland opp til at flest mogeleg skal kunne ha nytte og glede av lakseresurssane, anten det gjeld sportsfiskarar, grunneigarar eller reiseliv.

 

Med bakgrunn i utviklinga i fangst- og bestandsstatus for laks og sjøaure dei siste åra, vert det gjort framlegg om ei klar innskjerping i fisketidene for mange elvar i fylket. Dette gjeld særleg vassdraga i Ryfylke. Fylkesmannen rår og til at elveeigarlaga og andre med fiskerettigheiter,  heile tida vurderer behovet for lokale reguleringar, til dømes i fisketider og reiskapsbruk.

 

Nedanfor finn du lenkjer til framlegget ny fiskeforskrift, og grunnlaget for dei vurderingane som endringane i forskrifta byggjer på.