Forslaget til ny forskrift er utarbeidd etter retningsliner frå
Direktoratet for naturforvaltning. Vi har også vurdert bestandsstatus og
for mange laksevassdrag gytebestandsmål, men også innspel frå lokal
forvaltning. Høyringsfristen er 20. januar 2008.
Dei viktigaste vurderingane og forslaga til endringar:
-
Den ytre fisketidsramma er framleis 1.6 – 31.8, men det kan gjerast
unntak.
-
I vassdrag med god lokal forvaltning har det vore opna for at reglane
skulle utarbeidast lokalt, og at det lokale regelverket skal liggje til
grunn for den føreslåtte fisketida.
-
Generell hovudfisketid 15.6 - 31.8 er foreslått vidareført for vassdrag
som ikkje er nemnd spesielt i forskrifta.
-
Det er foreslått å ikkje opne for fiske i Lærdalselva, Jølstra og
Ytredalselva (Vadheim) og å ikkje opne for laksefiske i Aurlandselva.
-
Det er foreslått å avslutte fisket 31.8 i Daleelva (Høyanger), Vikja,
Sogndalselva og Indrehusvassdraget, og dermed ikkje opne utover den ytre
fisketidsramma.
-
Det er foreslått å korte inn laksesesongen ein halv månad i
Nærøydalselva, Flåmselva, Stryneelva, Loelva og Oldenelva ved å avslutte
laksefisket 15.8.
-
Det er foreslått å korte inn sesongen til to månaders laksefiske i
Kvamselva, Osenelva og Gloppenelva.
-
Det er foreslått at sjøaurefisket får halde fram med sesong til 15.9 i
dei fleste sjøaurevassdraga, og at fisket i Årdalsvassdraget skal
avsluttast samtidig med dei andre elvane.
-
I nasjonale laksevassdrag skal bestandsoppgangen vurderast midt i
fiskesesongen.