Endringar i lakselova
Endra strafferamme og nye administrative reaksjonar mot ulovleg fiske trådde i kraft 1. juli.
Dette innhaldet er meir enn eitt år gammalt. Informasjonen kan derfor vere utdatert.
Publisert 07.07.2020
Klima- og miljødepartementet melder om at endringar i lakse- og innlandsfisklova trådde i kraft 1. juli. Føremålet med endringane er å styrkje innsatsen mot ulovleg fiske.
Kvart år blir det avdekka mange tilfelle av ulovleg fiske etter anadrom laksefisk. Det ulovlege fisket gjer at talet på gytefisk i elvene blir redusert.
Ulovleg fiske kan òg føre til at det lovlege fisket må regulerast strengare for å nå målet for forvaltning av bestandane.